تبتدى وتلم ف حكاويها وورودها وضلها
وتسيب الشمس ف عينه تمر تطلع اجمل دمع بصوت
1- قررت تكون جواك روحها
وسعيت علشان نزف جروحها
مالحقتش نفسك بدواها فمشيت سواح
مداها السما
وحدودها حضنك وبس
انت بتخطى بكل حنان وتحسس على كل بيبانها
هى شايفاك خايف على احساسها قوى
بعد ماحست ان غيطانها بتبعد عنك
فرشت محاصيلها ف رجليك
وشعور الخوف جواك بلم
متلصم على اول دمعة
بعديها يفر الدمع خيطان
2- حسيت بكنوز الارض البكر وأول زرعة بتفرح بيها أمان
ورسمت حنان
لميته ف كل سطور الارض
وفردت الضحكة تكون ضلة
ما استطعمتش بالطرح الموجع فى قصايدك
ولاختش سطرين لحبايبك من طرح الصيص
قررت وبكل شجاعة تكون متحمل ولأول مرة دموعها بجد
3- انا وانتى روح
فينا الجروح
طب فين اروح
او فين تروحى بدمعتك
4- قررى كل التفاصيل دى وكأنك بتشوفيها ف مقطع فيديو
وابعتى منها اشارة لكل خلايا الجسم
هتلاقى عياطك فدادين مروية بدمع حنين صافى
5- باسمى وادخلك روحى
واتوه فى دمعى وجروحى
وباقطف وردتى دمعة
تنور ليلى ليه تنوحى ؟؟؟
6- هتسيب روحك كدة تتعود تخاف منك وماتديهاش الامان
انت مش عايز روحك ولا ايه؟؟؟؟
ليست هناك تعليقات:
إرسال تعليق