ولد وكانت ضحكته
تفرد جناين ورد.
شاف فى حلمه البنت اللى حبها
و خطوتها قدامه بتتمد.
حب يسبق خطاويها
شاف القمر غازلها
النجوم عاملة حواليها عقد
عاش يحلم بحضنهاا
بضحكها ويحس الحلم
قدامه كانه جد.
سافر للقمر
عاش مع النجوم
غنى مواله
دمعته سكنت الخد
مسك فرشته والوانه
حب يلون احلامه
وشخبط عالورق
لقى الالوان عاملة
قدامه سد.
. يااااااه ياحلم
حاتفضل فاكر غنوتى
ويارسمتى
ولا الصبح يطلع
والاقى مافيش ولا حاجة جد؟
ليست هناك تعليقات:
إرسال تعليق