نشرة اخبار

تقعد قدام التلفزيون

ممكن تكون وحدك

او معاك الولاد

تقلب فى المحطات 

الولاد يتخانقوا

مش عايزين ولا محطة 

من اللى انت  بتجيبها

وييجى ايدك على زرار

محطة تفتح نشرة الاخبار

تتابع بكل اهتمام

احسن خبر يقع منك

ولا حدث يحصل 

وانت ماتابعتوش

لما تقابل اصحابك بكرة

يحكواعليه وانت مش عارف
التفاصيل
والولاد يمشوا
ويسيبوك غارقان فى الاخبار

امريكا عارفينها غزت العراق

وايران بتعمل شغل نووى

واسرائيل اهى محاصرة غزة

وشوية امريكا حاتحاصر السودان

عشان دارفور
وانتخابات الرئاسة والوراثة 
طوابير عيش
ازمة انابيب

تحس  ان روحك هى اللىخانقاك
وبتحاصرك

ومش عارف تفك منها 
لا مع الولاد
ولا بنشرة الاخبار